PD dënon sulmin në Shën Petërsburg: Akt barbar, terrorizimi s’ka ngjyrë

Partia Demokratike ka reaguar për sulmin e shënuar ditën e djeshme në metronë e Shën Petërsburgut, ku deri tani numërohen 14 viktima.

Në mesazhin e saj të ngushëllimit, PD shprehet se dënon aktin barbar, që dëshmon se terrorizmi nuk ka ngjyrë, atdhe, ideologji.

“Partia Demokratike dënon aktin barbar ndodhur në metronë e Shën Pjeterburgut. Ne i shprehim dhimbje dhe ngushëllime familjeve të viktimave dhe solidaritet njerëzor me popullin rus. 

Ky akt dëshmon se terrorizmi nuk ka ngjyrë, atdhe dhe ideologji. Ne mbetemi të angazhuar në luftën kundër këtij armiku global të njerëzimit dhe të lirisë.”, shkruhet në mesazhin e PD-së.

(XH.A/SHUPLAKA)