“Mezi presim një debat të hapur me Bashën dhe Metën”, Rama e ironizon: Paske humor shqiponje

Kryeministri Edi Rama nuk ua përton komentuesve që ankohen, e ironizojnë apo kritikojnë në postimet e tij ku flet për punën e qeverisë në këto katër vite.

I ngjashëm ka qenë edhe rasti i këtij mëngjesi, pasi kreu i Qeverisë u ka uruar shqiptarëve një ditë të mbarë. Disa prej komentuesve të parë poshtë postimit të tij, ai u ka kthyer shpejt e shpejt një përgjigje, përpara se të përfshihej nga vrulli i ditës.

Mes disa komenteve, bie në sy ai i një qytetari që shpreh dëshirën për ta parë kreun e Qeverisë në një debat të ashpër me Bashën, po ku të ishte i pranishëm edhe Meta. Kësaj kërkesë, Rama i është përgjigjur me ironi, duke iu kthyer komentuesit se ka “humor shqiponje”.

Në sy bien edhe kritikat ndaj disa të tjerëve, ku njërit i sugjeron të shkollohet, pasi komentuesi i drejtohet me “EDrama”.

(XH.A/SHUPLAKA)