Kryetar i Këshillit Kombëtar të personave me aftësi të kufizuar, Ndrek Ismailaj ka shpërthyer gjatë emisionit “Top Show. Me ton të lartë shumë i irrituar është shprehur Ismailaj për gjendjen e personave me aftësi të kufizuar pasi ka dëgjuar deklaratat e bëra nga drejtoresha e Ministrisë së Mirëqenies Sociale, Ilda Bozo.
Ismailaj ka kritikuar projektet e ministrisë, që sipas tij nuk u shërbejnë personave me aftësi të kufizuara, por bëhen për shkak të politikës së ditës. Madje ai ka theksuar se është rikostruktuar 10 herë kjo godinë por nuk është bërë asgjë për personat me aftësi të kufizuar.
Pavarësisht se burokratja e ministrisë ka tentuar të kundërshtojë Ismailajn, zemërimi i tij nuk e ka lejuar, duke denoncuar të gjitha problemet me të cilat përballen çdo ditë njerëzit e kësaj kategorie.
“Kurrë nuk më ofron shteti shqiptar një karrige me rrota. Në 20-vjet rresht unë vij dëgjoj gallatë prej njëri, gallatë prej tjetrit. Zotri nuk ka miratim proketi as ligji nëse nuk zbaton ligjet që janë në fuqi. Moment që janë ca ligje pse nuk i bëni. Të lutem janë ligjet kuadër, janë zbatuar këto? Jo. Stop . Ça ligje të reja. Mua njehrë në 3 vjet më thonë dil në komision dhe jam 20 vjet i paralizuar. Mua karrige me rrota s’më jep kush. Unë marr 80 mijë lekë të vjera në muaj. Më thonë ca të bëj me 80 mijë lekë të vjetra në muaj? Kush ma thotë mua këtë punë. Ndërkohë që qeveria shqiptare bën projekt, projekt, projekt, unë nuk kam shtëpi. A e kemi përcaktuar minimumin jetik për një person me aftësi të kufizuar ne? Jo. Ne nuk kemi minimuminn jetik për varfërinë Unë jam shumë i irruitar, ca thonë i majte i djathtë, jo unë jam në karrige me rrota. Ku di ai i verberi se kush është Sala? Asgjë s’po bëni, vetëm ministrinë tonë e restauriat 10 herë.”, u shpreh Ndre Ismailaj. Më tej ai solli në vëmendje të të gjithëve se edhe për personat me “Sindroma Down” marrin shumë pak lekë, ku duhet t’u jepen 1 milionë lekë në muaj nga qeveria. (J.V/Shupalaka)
Discussion about this post