Duket se nuk ka qetësi për deputetin e përjashtuar të PD-së, Mhill Fufi. E kur vjen puna tek hallet familjare, ato të bëjnë të zësh kokën me dorë. Përjashtimi nga grupi parlamentar i PD-së nuk krahasohet me hallet që të shkaktojnë fëmijët.
Djali i madh i tij, është dënuar së fundmi me 16 vjet burg nga një gjykatë në Britaninë e Madhe. 25-vjeçari Amarildo Fufi, dikur futbollist profesionist, lojtar i Partizanit, cilësohet tanimë si koka e kësaj bande të krimit të organizuar.
Por nuk është vetëm djali i madh që ka prishur imazhin e familjes të pasur në Shqipëri. Iu kujtojmë se vëllai i tij, Geri Fufi 17 vjeç, ka rënë gjithashtu në prangat e policisë, plot dy herë.
Në Dhjetor të 2015-ës, ai u ndalua nga policia për armëmbajtje pa leje, pasi u kap me pistoletë në shkollë. Sikur të mos mjaftonte kjo, rreth dy muaj më parë, atij iu desh të përballej sërish me policinë pasi rrahu një nxënës të shkollës “Besnik Sykja” në kryeqytet.
(XH.A/SHUPLAKA)
Discussion about this post