Historia e martesave të hershme në Shqipëri, kryesisht të vajzave të moshave 13 dhe 14-vjeçare ka shkuar edhe në Itali. Emisioni “Le Iene” i ka kushtuar një puntatë të tërë kësaj teme, që martesa të vajzave minorene ende vazhdojnë të ndodhin në disa zona të Shqipërisë, kjo edhe për shkak të mentalitetit arkaik apo patriarkal.
Emisioni i plotë trasnmetohet pas orës 21:00, megjithatë Luigi Pelazza njofton përmes publikimit të një videoje nga faqja zyrtare e “Le Iene”, se është bërë investigimi për të ashtuquajturat “nuset fëmijë” të cilat në Shqipëri babai i marton me burra të moshës 25-30-vjeçare.
Pelazza shprehet se të gjitha këto martesa ndodhin nën hundën e qeverisë, e cila di çdo gjë, por nuk bën asgjë.
Gazetari italian ka intervistuar këto vajza të cilat kanë pësuar një histori të tillë të ngjashme e cila në Itali mund të quhej një “çmenduri” sipas atij, por që për Shqipërinë është një realitet. (D.D/Shuplaka)
Discussion about this post