Finalja e Superkupës së basketbollit mes Tiranës dhe Vllaznisë që pritej të zhvillohej në pallatin e sportit “Asllan Rusi” ka përfunduar në një sherr masiv mes tifozëve.
Tifozët ishin ata që janë bërë protagonistë të këtij sherri, ku përleshur fillimisht jashtë dhe më pas brenda mjediseve të pallatit të sportit, shkruan BW.
Takimi pritej të ishte i zjarrtë duke marrë parasysh historikun e këtyre dy tifozërive.
Në sezonin 2014-2015 pas një ndeshje të futbollit në stadiumin “Loro Boriçi” mes Vllaznisë dhe Tiranës të përfunduar 1-1, të dy palët e tifozërive u përfshinë po ashtu në një sherr masiv.
FSHF dënoi me 25 ndeshje të dy tifozëritë me mos prezencë në stadium. 10 për shkodranët dhe 15 për kryeqytetasit. (M.D/ Shuplaka)
