“Në QSUT kam vajtur vetëm për të parë si punohet, kam vajtur pa kamera, shko shiko sanatoriumin, më mirë shpif sesa të shkosh në spital. Shqiptarët nga Kosova dhe Maqedonia vijnë në QSUT”, -u shpreh Rama duke folur për investimet në shëndetësi dhe PPP-të.
Rama: Kur nuk i ke parë spitalet pse flet?
Rakipi: Kush s’ka vajtur mo? Kam vajtur për nënën time, madje mora edhe ministrin në telefon…
Rama: Në spital shkojmë bashkë dhe shikojmë, merr edhe kamerat po deshe. Shko pastaj shiko urgjencën e Vlorës, model.
“Nuk jap unë koncensione, ju merreni me llafe. Ju shikoni kriminela në çdo gjë. Janë kompani nga me prestigjozet e botës, jetojmë në një botë shpifjesh, ju akuzoni çdo politikan se bëjnë koncensione, jeni jashtë loje komplet, ky popull nuk u merr seriozisht. Juve merrni nëpër gojë njerëzit, na bëni banditë, trafikantë, janë PPP të sukseshme, 1 mld euro do të jetë programi i rindërtimit. Do investojmë para, do vëmë në punë për infrastrukturën rrugore paratë e bankave dhe kompanive private.
Qeveria nuk merr dot borxh, ne kemi dakortësur me FMN dhe kemi në buxhetin e shtetit 5% për këto investime, do ta paguajmë kompanitë për 10 vjet. Këto investime janë ndryshe nga ato tëPD që u zhyt në borxh, ky është financim i shtrirë në kohë, jeni të paditur, merrni përsipër të bëni ekonomi kur nuk dini, për këto që flas i them me kompetencë”,-u shpreh Rama.
Discussion about this post