Ish-ministri i Financave, aktualisht deputet i qarkut Dibër, Shkëlqim Cani zhvilloi sot një vizitë në qytezën e Ulzës, për të parë zbatimin e projektit për fasadat dhe rrugët e brendshme të financuara në kohën kur ai ishte ministër i financave.
Pas inspektimit të punës së bërë me zbatimin e projektit në fjalë, Cani tha se kjo qytezë është një atraksion i madh turistik i cili duhet promovuar me çdo kusht.
Sipas tij, pak probleme që ka kjo qytezë mund të zgjidhen me pak fonde. Cani përmendi këtu rrugën nga Ura e Ulzës deri në qendër si dhe furnizim me ujë të pijshëm 24 orë.
Shkëlqim Cani është shkarkuar si ministër i Financave në shkurt të vitit të shkuar. Në vend të tij është emëruar Arben Ahmetaj. (M.D/ Shuplaka)
Discussion about this post