Sulmi  në Stokholm, Berisha shpreh ngushëllimet

Ish-kryeministri Sali Berisha shpreh ngushëllimet për familjarët e viktimave të cilët humbën jetën pas sulmit me kamion në Stokholm të Suedisë.

“Një akt i shëmtuar terrorist goditi sot Stokholmin!

Të dashur miq, sot Stokholmi përjetoi një akt barbar terrorist në një nga rruget e tij, në të cilin me kamion u vranë 4 dhe u plagosën 15 qytetarë. Duke dënuar me ashpërsinë më të madhe këtë akt mizor, shprehim ngushëllimet më të sinqerta familjeve të viktimave dhe autoriteteve suedeze dhe urojmë shërim të shpejtë të plagosurve!”

Rreth orës 15:00 sipas orës lokale, një kamion hyri me shpejtësi në turmën me njerëz në rrugën Drottninggatan në Stokholm, pranë një qendre tregtare.

Nga ky sulm fillimisht humbën jetën 3 persona dhe mbetën të plagosur dhjetëra të tjerë, mirëpo një nga të plagosurit ndërroi jetë më vonë në spital duke e çuar kështu numrin e viktimave në katër. (D.D/Shuplaka)