Bëhet bilanci i dëmeve, Emergjencat Civile: U dëmtuan 9 banesa, ja se ku

Nëntë banesa raportohet të jenë dëmtuar si pasojë e tërmetit me magnitudë 5.2 ballë që goditi dje Shqipërinë qendrore, me qendër në Kurbnesh. Lëkundjet e tërmetit me thellësi 10 km ishin aq të forta sa u ndienë në disa qytete të Shqipërisë, në Shkodër, Lezhë, Burrel, Dibër, Tiranë, Durrës, Krujë, Elbasan.

Emergjencat Civile bëjnë të ditur se tërmeti i djeshëm shkaktoi çarje të mureve të banesave në këto zona:

-Në fshatin Përlat i Epërm, Njësia Administrative Kurbnesh, është dëmtuar banesa e 1 shtetasi.

-Në bashkinë Klos kanë pësuar çarje të mureve 5 banesa.

-Në fshatin Bardhaj, Njësia Administrative Kurbnesh, eshte dëmtuar 1 banese

-Në fshatin Bulshare, Njësia Administrative Orosh, eshte demtuar 1 banese.

-Në Njësinë Administrative Orosh, bashkia Mirditë eshte demtuar 1 banese.

Raportohet se është ngritur grupi i punës, me qëllim kryerjen e verifikimeve në të gjitha banesat të cilat kanë problematikë për shkak të lëkundjeve të tërmetit në bashkinë Mirditë.

(XH.A/SHUPLAKA)