Tre femra të njohura të ekranit shqiptar festuan ditën e djeshme datëlindjet e tyre. Ato ishin deputetja e LSI-së, Monika Kryemadhi, këngëtarja Xhensila Myrtezaj dhe partnerja e Alban Dudushit, Bieta Sulo.
Deputetja e Lëvizjes Socialiste për Integrim, bashkëshortja e kreut të Kuvendit dhe kreut të LSI-së, Monika Kryemadhi, festoi mes të rinjve 43-vjetorin e lindjes. Një atmosferë elektrizuese ishte ajo e mbrëmjes së djeshme për Kryemadhin, teksa kaloi momente të bukura në shoqërinë e familjarëve, miqve dhe bashkëpunëtorëve në LSI.
Në gëzimin e kësaj dite nuk mungonte as bashkëshorti, Ilir Meta, i cili ngriti disa herë dolli dhe iu bashkua kërcimit.
Plot emocione ishte dita e djeshme edhe për këngëtaren bukuroshe Xhensila Myrtezaj, e cila festoi me dashurinë e jetës, Bes Kallakun dhe të afërm të tjerë në Sofie, Bullgari, ku humoristi Bes Kallaku është duke u përgatitur për një rol të rëndësishëm.
Nuk dihet si e ka kaluar këtë ditë të rëndësishme të jetës së saj, partnerja e Alban Dudushit, regjisorja Bieta Sulo, e cila është në pritje të ëmbël.
Ajo postoi vetëm një fotografi në llogarinë e saj në Instagram, ku shfaqej me një bluzë dhuratë nga e motra, në të cilën shkruhej “Queens are born in april”.
(XH.A/SHUPLAKA)
[ngg_images source=”galleries” container_ids=”1540″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
