Një i shpallur në kërkim është vënë në prangat e Policisë së Vlorës nën akuzën e “Vrasjes”. Ai akuzohet për një vrasje të kryer në vitin 1995 në fshatin Babicë e Madhe, ku vrau me “koster” fqinjin e tij për motive pronësie.
Arrestimi i të shpallurit në kërkim u krye pas 22 vjetësh. Rezulton se për t’u fshehur nga drejtësia, përdorte identitet tjetër.
Detaje të Policisë së Vlorës:
Policia ka finalizuar me sukses operacionin për kapjen e një shtetasi në kërkim për “Vrasje”. Autor i një ngjarje të ndodhur në vitin 1995, për të cilën është dënuar me 17 vite burg. Arrestohet shtetasi: Vladimir Kamberaj, 46 vjeç, banues në Vlorë.
Në bazë të informacioneve të marra në rrugë operative, Policia e Vlorës ka bërë kapjen dhe arrestimin e këtij shtetasi në orët e para të mëngjesit të djeshëm, në dalje të qytetit të Vlorës. Ky shtetas kërkohej nga policia si autor i ngjarjes së ndodhur më 19 Nëntor të vitit 1995 në fshatin Babicë e Madhe, ku ka kryer veprën penale të “Vrasjes” pasi ka vrarë me “koster” fqinjin e tij, shtetasin D.B., për motive pronësie.
Nga hetimet e kryera, ka rezultuar se ky shtetas për t’iu fshehur drejtësisë shqiptare, ka perdorur edhe identitetin tjetër si: Arqile Muçi. Po kryhen hetimet e mëtejshme për implikimin e këtij shtetasi në ndonjë vepër tjetër penale.
(XH.A/SHUPLAKA)
Discussion about this post