Pas mbledhjes së grupit parlamentar të PS-së, kryetari dhe njeherazi kryeministri Edi Rama, nuk komentoi konkretisht lajmin që po qarkullon mbi tërheqjen e ministrave të Ilir Metës. Ai vetëm theksoi se “e konsideron qeverinë përgjegjësi dhe detyrat e qeverisë përgjegjësi e jo privilegje, që i ke, nga të cilat heq dorë”.
Ndërkaq, disa medie kanë shkruar së fundmi mbi mundësinë që nesër kreu i LSI-së të tërheqë nesër mandatet e ministrave të tij, pavarësisht se nuk ka asgjë konkrete lidhur me këtë lajm.
“Tema” duke iu referuar mediave pranë LSI-së shkruan se “Meta do të tërheqë ministrat nga qeveria e Ramës”. Kujtojmë se kjo sipas tyre do të ndodhë pikërisht në seancën e jashtëzakonshme e thirrur nesër për Vetting-un.
Pavarësisht se nuk ka informacion të sigurt, të tjera medie, si “Koha Jonë”, “360grade.al” dhe “Java News” ngrenë pikëpyetje mbi mundësinë e tërheqjes së LSI-së nga qeveria.
“Thuhet se tashmë Meta është bërë gati që ofertën e hershme për të tërhequr ministrat e tij, si “shans për paqe me opozitën”, ta kthejë në veprim konkret të njënashëm. Ashtu si Lulzim Basha, edhe Ilir Meta e ka kushtëzuar hyrjen e LSI në zgjedhje me pjesëmarrjen në to të opozitës, duke shpërfillur thirrjet e përsëritura të komunitetit ndërkombëtar për mbajtjen e rregullt të zgjedhjeve në 18 qershor.”, shkruan “Java News” ndër të tjera.
(XH.A/SHUPLAKA)
[ngg_images source=”galleries” container_ids=”1544″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post