Deputetja e Lëvizjes Socialiste për Integrim, Monika Kryemadhi, festoi ditën e djeshme 43-vjetorin e saj të lindjes, një datëlindje që mes shumë dhuratave u karakterizua nga shumë lule, “më shumë lule se kurrë”, siç shprehet edhe ajo.
Duke u kërkuar dashamirësisht dhuruesve të tyre të mos mërziten, ajo ka ndërmarrë sot një gjest mjaft të veçantë. Gëzimin e dashurinë e marrë prej tyre, Monika Kryemadhi vendosi ta ndajë me nënat e reja, ato që kanë lindur së fundmi në maternitetin “Mbretëresha Geraldinë”.
“Faleminderit të gjithë shokëve dhe miqve për urimet, emocionet, dashurinë që më dhuruan për ditëlindje!
Si asnjëherë, 43 vjetori ka qenë viti ku kam marrë më shumë lule se kurrë.
Ndaj nuk do mërziteni, por përfituam nga rasti që lulet tuaja të dhuronin dashuri të dyfishtë dhe sot gjenden pranë nënave të reja që sapo kanë lindur në maternitetin “Mbretëresha Geraldinë”.
Javë të mbarë, dashuri dhe mirësi në familjet tuaja!
P.S: Faleminderit të rinjve të LRI-së, që shkuan sot te bebet e sapolindura.”, shkruan Monika Kryemadhi.
(XH.A/SHUPLAKA)
[ngg_images source=”galleries” container_ids=”1546″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
