Ministri i Punëve të Brendshme Fatmir Xhafaj priti një delegacion të kryesuar nga Gjeneral Gennaro Capoluongo, Drejtor i Shërbimit të Bashkëpunimit Ndërkombëtar të Policisë italiane, zv/Drejtorin e Shërbimit të bashkëpunimit Ndërkombëtar të Policisë Italiane, Kolonel Sandro De Angelis, Drejtuesin e Zyrës Ndërlidhëse INTERFORZE, Giovanni Conti si dhe Drejtuesin e Misionit PAMECA IV, Giorgio Butini.
Në takimin me ta, Xhafaj parashtroi prioritetet e detyrës së tij dhe falënderoi palën italiane për kontributin e vazhdueshëm të dhënë në Shqipëri, veçanërisht mbështetjen ndaj strukturave të Policisë së Shtetit në luftën kundër krimit të organizuar.
Ndërsa Gjeneral Capoluongo vlerësoi pozitivisht prioritetet e prezantuara dhe bashkëpunimin shumë të mirë që ka pasur në këto vitet e fundit me autoritetet shqiptare.
Ai, ritheksoi se Italia do ta mbështesë Shqipërinë në çdo hap dhe me të gjitha mjetet e nevojshme për përmbushjen e angazhimeve, të cilat janë me interes të përbashkët.
Capoluongo shprehu gadishmërinë edhe për organizimin e trajnimeve të përbashkëta në nivel ekspertësh nga pala italiane, me qëllim rritjen e profesionalizmit në kryerjen e hetimeve nga ana e Policisë së Shtetit me standartet më të larta evropiane.
Ministri i Drejtësisë, Xhafaj theksoi nevojën urgjente të nisjes së operacioneve të përbashkëta në luftën kundër kultivimit të kanabisit në të gjithë territorin e Shqipërisë si dhe për goditjen e grupeve kriminale në këtë fazë.
Në këtë takim u diskutua nevoja për intesifikimin e shkëmbimet të informacionit në kohë reale dhe pjesëmarrja në hetime të përbashkëta, në mënyrë që lufta kundër kriminalitetit të jetë sa më efikase dhe e koordinuar. Në takimin mes tyre u shpreh vullneti për konkretizimin dhe forcimin e mëtejshëm të bashkëpunimit ndërmjet strukturave policore të të dy vendeve.
(XH.A/SHUPLAKA)
Discussion about this post