Sonte në mbrëmje pritet të luhen dy ndeshje në kuadër të Ligës së Kampioneve. Juventus dhe Barcelona do të përballen mes tyre në Torino dhe kjo nuk i ka shpëtuar pa vëmendje as këshilltarit për media të kryeministrit Rama, Endri Fuga.
Ai ka bërë një paralelizëm mes ndeshjes dhe skuadrës së Juventusit dhe kërkesës së opozitës për të mos hyrë në zgjedhjet e Qershorit. Në një mënyrë të nënfshehur Fuga kërkon të çojë edhe një mesazh politik.
‘’Sonte Juve – Barcelona. Juventus kërcënon se nuk hyn në fushën e lojës po luajti Messi. Nëse Barcelona do ndeshje, të ikë Messi nga ekipi’’, shkruan Fuga.
Kujtojmë se edhe kryeministri Rama është një tifoz i zjarrtë i Juventusit dhe ky krahasim i Fugës nuk duket edhe shumë me vend.
Të krahasosh Juventusin me opozitën dhe ‘hileqarët’ nuk duket edhe aq e gjetur. Ndoshta vetë Fuga do jetë tifoz i Barcelonës. Ose roli i Mesit te Barcelona duket për Fugën i ngjashëm me rëndësinë e kryeministrit në qeveri dhe në drejtim.
Nga ana tjetër nuk dimë nëse do ketë kohë kryeministri të shijojë ndeshjen pasi në një periudhë të afërt me të do të jetë dhe seanca e Kuvendit ku do të diksutohget dhe do të votohen Komisionet për Vettingun. (E.K/SHUPLAKA)
Discussion about this post