Lufta ndaj kanabisit, Çako pret delegacionin italian: Bashkëpunim i shkëlqyer mes dy policive

Kreu i Policisë së Shtetit Haki Çako është takuar me një delegacion të lartë të Policisë së Italisë.

Delegacioni i kryesuar nga Drejtori i Shërbimit të Bashkëpunimit Policor Italian,  Gennaro Capoluongo, i shoqëruar nga Kolonel Sandro De Angelis, vlerësoi bashkëpunimin me policinë shqiptare.

Çako dhe Capoluongo vlerësuan si mjaft të shkëlqyer bashkëpunimin mes dy policive si dhe shprehën gatishmërinë për ta focuar akoma më shumë.

Çako u shpreh se, Policia e Shtetit është tërësisht e angazhuar dhe e vendosur në luftën për parandalimin e kultivimit dhe të trafikimit të lëndëve narkotike.

“Gatishmëri absolute për çdo veprimtari me partnerët dhe sidomos me Policinë Italiane mike, për të luftuar krimin e organizuar dhe trafiqet e paligjshme. Të fokusuar edhe në drejtim të parandalimit të migracionit ilegal Bashkëpunim të ngushtë me të gjithë partnerët në luftë kundër terrorizmit dhe radikalizmit”, tha Çako.

Capoluongo në fjalën e tij tha se bashkëpunimi me policinë shqiptare është i shkëlqyer.

“Bashkëpunimi me Policinë Shqiptare si model për Ballkanin dhe Partnerët e tjerë. Lufta kundër kanabisit edhe me mbështetjen e BE-së. Skuadra hetimore të përbashkëta për të goditur krimin e organizuar. Trajnime me mbështetje nga Policia Italiane në fushat e hetimit, terrorizmit dhe kufirit. Protokolle në fushën e arsimimit, terrorizmit, trafiqeve të paligjshme, etj”, vijoi ai.

(M.D/ Shuplaka)