Donald Trump, presidenti i SHBA-së ka deklaruar se Vladimir Putin po mbështet një njeri shumë djallëzor duke iu referuar liderit sirian Bashar Al-Assad.
Trump këtë deklaratë e bëri kur përmendi sulmin kimik të 4 prillit në Siri ku humbën jetën 90 persona, mes të cilëve shumë fëmijë.
Duhet të sjellim në vëmendje që Putin një ditë më parë tha se akuzat e Uashingtonit kundër qeverisë siriane janë të ngjashme me deklaratat e bëra para se SHBA të mësynte në Irak në vitin 2003.
“Ne po dërgojmë një armatë atje. Shumë të fuqishme. Kemi madje edhe nëndetëse. Shumë më të fuqishme se avionët tanë biles. Dhe gjithashtu kemi ushtrinë më të mirë në Tokë,” tha Trump më herët. (J.V/Shuplaka)
