Kisha e Shën Marisë në Kolonjë në gjendje të mjerueshme, në prag rrënimi (FOTO)

Edhe pse premtimet ishin të shumta se do e shpëtonin nga rrënimi këtë monument të kategorisë së parë edhe sot paraqitet e njëjta situatë.

Mes shkurreve dhe rrënojave kisha e Shën Marisë ne Barmash te Kolonjës çdo ditë humbet vlerat e rrallla që mbart ndërsa vemendja e instancave përkatëse është zero.

Është shpallur si monument i kulturës i kategorisë së parë ç’ka kërkon një kujdes të veçantë dhe mbrojtje me fanatizëm për vlerat që ka por indiferneca po e çon drejt rrënimit.

Duke ushëtuar drejt fshatit të largët  ajo që duket është se asgjë nuk është rikonstruktuar,  asgjë nuk është bërë.

Gjithashtu më herët drejtuesit e monumenteve të kulturës pohuan se u çel fondi për restaurimin e këtij objekti por projekti mbeti në letër ndërsa fondet nuk dihet se ku. Janë të shumta objektet e monumenteve të kulturës në rrethin e Kolonjës të cilat po shkojnë drejt rrënimit dhe humbjes së vlerave qindravjeçare ndërsa “kujdestarët” e tyre qëndrojnë në heshje. (Shuplaka)