Mërgim Mavraj ka dhënë disa deklarata të çuditshme para tifozëve të Hamburgut dy ditë më parë, gjatë një takimi në një fan-klub.
Tifozët e kanë pyetur mbrojtësin i cili shihet mes kandidatëve për të marrë shiritin e kapitenit në kombëtaren kuqezi për ndeshjen me Izraelin se si ndodhi që nuk luajti për Gjermaninë meqë ai është lindur e rritur në Hanau.
“Unë isha shumë i keq për gjermanët”, tha ai fillimisht duke qeshur, ndërsa kujtonte periudhën kur ishte pjesë e përfaqësueseve të moshave duke luajtur përkrah emrave si Nojer apo Boateng.
“Do të kishte qenë një ëndërr të luaja për Gjermaninë. Fatkeqësisht, nuk u realizua”, janë fjalët e tij, sigurisht, jo ato që tifozët shqiptarë do të dëshironin të dëgjonin nga një lojtar i cili shihet si lider në grupin e Kombëtares..
Mërgim Mavraj u rekrutua nga stafi i FSHF-së që në moshën 19-vjeçare por pastaj ai mori ftesa nga përfaqësueset e moshave të Gjermanisë dhe luajti me ta në dy miqësore, në 2007-ën dhe 2009-ën.
Për disa vite me radhë ai nuk iu përgjigj ftesave të kombëtares kuqezi edhe pse kishte pasaportën shqiptare, ndonëse e kërkuan me radhë Oto Bariç, Ari Han dhe Josip Kuzhe.
Pas mbërritjes së Xhani De Biazit në stolin kuqezi ai pranoi që t’i bashkohej Shqipërisë duke u kthyer shumë shpejt në një nga elementët kyç të ekipit i cili siguroi kualifikimin në Francë 2016.
(M.D/ Shuplaka)
