Refuzimi i kandidaturave nga Gjykata e Strasburgut, reagon gazetari: E mjera reformë, shiten si njerëzit më të aftë të kombit, jashtë i flakin si të paditur

Gjykata Europiane për Të Drejtat e Njeriut ka rrëzuar kandidaturat e qeverisë shqiptare për gjykatës në Gjykatën e Strasburgut.

Mësohet se GJEDNJ ka kërkuar një listë të re kandidatësh duke rrëzuar kandidaturat me pretendimin se nuk janë mjaft mirë të kualifikuar. Duhet të theksojmë që lista është refuzuar për herë të dytë dhe kandidatët që u rrëzuan janë Aurela Anastasi, Sokol Berberi dhe Aleksandër Muskaj.

Për këtë refuzim ka reaguar edhe gazetari Klodian Tomorri i cili shprehet se kjo situatë është shumë  e trishtë por ky është realiteti. Sipas Tomorrit ata që kqtu publikut i shiten si njerëzit më të aftë të kombit, jashtë i flakin si të paditur.

“O moj reforme, e mjera reforme.  Ekspertet e nivelit te larte teknik, te cilet hartuan reformen tone ne drejtesi vajten aplikuan per pune ne Gjykaten e Strasburgut. Sot Gjykata i skualifikoi me motivin se jane te pakualifikuar.

Eshte shume e trishte, por ky eshte realiteti. Ata qe ketu publikut i shiten si njerezit me te afte te kombit, jashte i flakin si te paditur.

Ne universitetet shqiptare vegjeton nje kaste burrash dhe grash te vjeter me tituj shkencore, te cilet po t’i marresh ne provim, per lenden e tyre, jashte teksteve qe kane shkruar vete, edhe mund te ngelin. “, shkruan Klodian Tomorri. (J.V/Shuplaka)