Sot ish-kryeministri Sali Berisha ka publikuar një denoncim nga një oficer që i ka shkruar se në qytetin e Lezhës, vëllezërit Ndoka, me në krye Arben Ndokën, ish-deputetin socialist zotërojnë një depo me plot 400 tonë drogë.
Ndërkohë policia sot ka bërë një operacion masiv të shtrirë në disa qytete pikërisht për lëndët narkotike. Nuk ka ende të dhëna nga policia nëse është kontrolluar edhe në zonën ku pretendohet se gjendet kjo sasi kaq e madhe droge.
Po kush është Arben Ndoka, të cilin e kanë ndjekur pas edhe histori të tjera?
Ai ka qenë deputet nga radhët e Partisë Socialiste i dalë nga zgjedhjet e 23 qershorit.
Ndoka e ushtroi mandatin e tij për gati dy vite, por dha dorëheqjen pas sulmeve të bëra nga opozita.
Nëpërmjet një letre të hapur drejtuar deputetëve të Partisë Socialiste dhe votuesve që e kanë zgjedhur, ish- deputeti socialist Arben Ndoka ka dhënë dorëheqjen nga mandati i tij si përfaqësues i popullit në Parlamentin e Republikës së Shqipërisë në vitin 2015.
Në letrën e tij, Ndoka pretendon se ai është dënuar gabimisht në Itali dhe se ai është i pafajshëm.
Ai akuzohej nga opozita për trafik qeniesh njerëzore në Itali.
Dosja e deputetit socialist të Lezhës u publikua më 12 korrik të vitit 2014 nga Partia Demokratike. Ai rezulton i dënuar me 7 vjet e 5 muaj burg nga gjykata e Romës. (M.D/ Shuplaka)
Discussion about this post