Në orën 12:30 të ditës së sotme do të luhet në San Siro ndeshja Inter-Milan, që pritet të gozhdojë përpara ekranit mijëra shikues. Mësohet se kjo ndeshje ka thyer rekord të shitjes së biletave. Por veç kësaj do të ketë edhe shikueshmëri të lartë.
“Gazzetta dello Sport” shkruan se ndeshja për shkak të orarit që i përshtatet edhe tregut aziatik, pritet që të ndiqet në TV nga rreth 862 milionë njerëz në mbarë botën. Përmes një njoftimi zyrtar është bërë me dije se Derbi i Milanos Inter-Milan vlerësohet si ndeshja me e shikueshme në televizione në gjithë historinë e futbollit italian.
Kjo do të jetë ndeshja e parë për kuqezinjtë e Milanit që pas kalimit në pronësinë e kinezit Yonghong Li. Deri tani, flitet se Interi që është vendas në këtë ndeshje, shihet si favorit për të triumfuar në derbi.
(XH.A/SHUPLAKA)
