Detaje të reja bëhen të ditura lidhur me laboratorin e drogës të zbuluar një ditë më parë në Shkozë. Pas arrestimit të pesë personave, mes tyre edhe një punonjës i OSHEE-së, pesë persona të tjerë janë vënë në pranga, ndër ta edhe një faturist i UKT-së.
Janë arrestuar: Ibrahim Qosja 63 vjeç, Ilir Suli 46 vjeç, faturist i UKT-së, Ramazan Losha, Arjan Kadareja, të dy roje private, Shefki Mehidri. Vënia e tyre në pranga vjen pas arrestimit të pesë të tjerëve ditën e djeshme.
Ndërkaq mësohet se policia ka kryer sekuestrimin e 1375 kubikëve me lëndë narkotike, të 205 rrënjëve bimë narkotike kanabis dhe të 50 kilogramëve kanabis.
Aktivitetin e paligjshëm që zhvilloheshe në tunelin në Shkozë, trafikantët e kamuflonin si aktivitet të prodhimit të plastikës.
(XH.A/SHUPLAKA)
Discussion about this post