Pas takimit mes kryeministrit Edi Rama dhe kreut të Kuvendit Ilir Meta, ku u përfol se do vendosej fati i koalicionit PS-LSI, zbulohen detaje të takimit të cilat nuk janë publikuar më parë në media.
Kryeministri Rama është parë teksa i vendos krahun mbi supe, ministrit të drejtësisë Petrit Vasili, i cili vjen nga radhët e LSI-së.
Pas takimit, Rama shihet duke dalë përkrah me Vasilin, ndërkohë që pas tyre dalin edhe nënkryetari i LSI-së Luan Rama, si edhe kryetari i grupit parlamentar të PS-së, Gramoz Ruçi. Rama dhe Vasili diç flasin me njëri tjetrin, buzëqeshin dhe më pas vijojnë secili në rrugën e tyre.
Pavarësisht se as kryeministri Rama, as kreu i Kuvendit Meta nuk dhanë detaje mbi takimin, mbi të gjitha mbi fatin e koalicionit, duket se diçka pozitive ka dalë nga kjo.
Kryeministri Edi Rama ka qenë i pari që ka lënë ambientet e hotel “Tirana” ku u zhvillua takimi që zgjati rreth 1 orë e 40 minuta. (D.D/Shuplaka)
Discussion about this post