Me rastin e festës së Pashkës, policia e shtetit ka shtuar masat e sigurisë në rrugë. Grupe kontrolli janë ngritur në disa akse kryesore të cilat kontrollojnë mjetet për zbatimin me rigorizitet të kodit rrugor.
Në afërsi të urës së Zogut në Milot është stacionuar një grup kontrolli i cili kontrollon mjetet që vijnë nga Rruga e Kombit dhe Qarku i Dibrës.
“Shuplaka” mwson se kontrollet do të vazhdojnë edhe për gjatë 24 orëve të ardhshme kur kulmon edhe festa e Pashkës.
Sipas specialistëve të qarkullimit rrugor, masat shtesë kanë ardhur për të siguruar qytetarët gjatë udhëtimeve.
Nga ana tjetër ata i bëjnë apel drejtuesve të mjeteve që jo vetëm të jenë të kujdesshëm gjatë udhëtimit, por edhe të mos përdorin alkool, që të mos bëhen pjesë e aksidenteve rrugore.
Ndërkaq nuk dihet nëse këto masa shtesë të policisë së shtetit, kanë të bëjnë edhe me paralajmërimin e ambasadës së SHBA-së që gjatë festës mund të ketë edhe sulme terroriste në vendin tonë./Shuplaka
Discussion about this post