Kazinotë janë kthyer në prenë e preferuar për grabitësit në këto ditët e fundit. Një tjetër është grabitur këtë mëngjes në zonën e Kinostudios në kryeqytet. Ngjarja ka ndodhur rreth orës 04:10 minuta të mëngjesit.
Policia ka arrestuar një prej autorëve të dyshuar Armando Demiri 30 vjeç, ndërsa ka shpallur në kërkim edhe bashkëpunëtorin e tij shtetasin me iniciale D.S 29 vjeç, i cili dyshohet se ka qenë edhe i armatosr.
“Në orën 04:10, në numrin e Energjencave 112 , ka ardhur një telefonatë se në zonën e Kinostudio, dy persona, njëri prej të cilëve dyshohet të jetë i armatosur, kanë tentuar të vjedhin në Casino.
Me marrjen e njoftimit shërbimet policore shkojnë në vendngjarje dhe disa minuta pas telefonatës dhe falë veprimeve të shpejta dhe mirëkoordinimit të shërbimeve kanë bërë të mundur të kapim një prej autorëve të dyshuar”, sqaron policia.
Policia e ka shpallur në kërkim dhe ka ngritur pika kontrolli të shumta dhe po ushtron kontrolle në banesën e tij apo të afërmve ku mendohet të fshihet me qëllim kapjen e tij. (E.K/SHUPLAKA
Discussion about this post