Për vdjekjen e 60-vjeçarit Agim Arapi, Gjykata e Durrësit ka vendosur masën e sigurisë “arrest në burg” për dy vëllezërit Ekonomi. Këta të fundit e rahën për vdekje 60-vjeçarin.
Avokatët mbrojtës i kërkuan trupës gjykuese një masë më të lehtë, duke afruar garanci pasurore për ta, gjyqtarja e çështjes Eda Kaja vendosi t’i linte në burg dy të arrestuarit, Kostandin dhe Kujtim Ekonomi.
Po kështu prokurori i çështjes, Bledar Bejko, teksa i bëri një rezyme të gjithë dinamikës së ngjarjes, kërkoi të vlerësohej i ligjshëm arrestimi i dy vëllezërve, Kujtim dhe Kostandin Ekonomi, dhe po ashtu kërkoi nga trupi gjykues të vendoste si masë sigurie për ta arrestin në burg, shkruan Panorama.
Avokatët Edmond Saliu dhe Tritan Tabaku që mbrojnë dy vëllezrit Ekonomi pranuan dinamikën e ngjarjes që paraqiti organi i akuzës, por kërkuan si masë sigurie atë të arrestit në shtëpi, ose garanci pasurore për klientët e tyre.
Vetë të akuzuarit nuk pranuan të shpreheshin, duke u pajtuar me përfaqësimin e avokatëve të tyre, shkruan “Panorama”.
Të arrestuarit Kostandin dhe Kujtim Ekonomi nuk morën përsipër të flisnin apo të jepnin detaje mbi konfliktin, si dhe as iniciativën që të kërkonin falje para trupit gjykues për krimin e kryer. Ata vetëm theksuan se ishte viktima ai i cili i kishte goditur me thikën që mbante në dyqan.
Ata pohuan se qëlimi i tyre nuk ishte ta vrisnin 60-vjeçarin, por vetëm ta trembnin dhe i kërkuan që ai t’i kërkonte të falur dhëndrit të tyre, Jurgen Kurtit, me të cilin kishin debatuar disa minuta më parë.
Në sallën ku po zhvillohej senaca gjyqsore nuk ishin të pranishëm familjarët e viktimës Agim Arapi. Gjithashtu, edhe Jurgen Kurti, i cili ishte molla e sherrit për këtë ngjarje të rëndë, nuk ishte i pranishëm në sallë, për të mbështetur vjehrrin e tij.
(J.V/Shuplaka)
Discussion about this post