Deklarata e fortë e Ramës: Është një gjë që qeveria e kaluar e ka bërë mirë dhe që ne s’do ta ndryshojmë!

I ftuar në emisionin “Dritare me Rudinën” në Vizion Plus, Kryeministri Edi Rama ka folur për situatën politike, koalicionin me LSI-në, për çadrën e opozitës dhe kërkesën për qeveri teknike.

Por përveç këtyre çështjeve të thëna e stërthëna, Rama ka folur edhe për çmimin e naftës, që në Shqipëri është më i lartë se në të gjitha vendet e rajonit.

“E para e punës është komplet e pavërtetë, mjafton të bëjmë një krahasim të çmimit të naftës sot me para tre vjetësh. Me çmimin e naftës në rajon mos bëni krahasim, sepse ju paguani edhe taksën e qarkullimit, sepse në rajon kjo taksë paguhet veç. Është një nga të vetmet gjeëra që qeveria e kaluar e ka bërë mirë, sepse po ta ndryshonim qytetarët do të detyroheshin të paguanin edhe një taksë tjetër.”, është përgjigjur kryeministri. (D.D/Shuplaka)