“Dua të jem konfidencial me ty, je shumë e këndshme, të adhuroj”, zbulohen mesazhe të tjera të ish-gjyqtarit Shyqyri Çobo

Mesazhe të reja ku shihet se si i ka kërkuar favore seksuale një 30-vjeçareje, janë zbardhur së fundmi lidhur me ish-gjyqtarin Shyqyri Çobo. Ai nuk ia ka dalë që të rrëzojë në Apelin e Krimeve të Rënda dënimin vendosur ndaj tij nën akuzën e “korrupsionit”.

Ai u deklarua fajtor dhe u dënua me 2 vjet burg, ekzekutimi i të cilit u pezullua, duke e lënë gjyqtarin në Shërbim Prove për një periudhë 18­ mujore. Gjithashtu, iu hoq e drejta e ushtrimit të profesionit për një periudhë 5­-vjeçare.

Ky vendim i gjykatës nxjerr në dritë mesazhe të reja që ai ka shkëmbyer, siguruar nga një gazetë e përditshme. Në përmbajtjej e sms-ve drejtuar 30-vjeçares janë përdorur edhe citate nga Kurani, psikanalistë dhe shkrimtarë.

“Argumenti habitës është fakti se ju jeni e shkolluar”; “Dua të jem konfidencial me ty. M’u drejto me Ti! Je mjaft e mirë!”; “Ndjenja njerëzore më fisnike që Zoti i ka dhuruar njeriut është “Dashuria!”, “Pjesë e miqësisë time janë persona të nivelit qëndror qeverisës deri poshtë (vertical)”, “Je shumë e këndshme, të adhuroj”, janë disa prej mesazheve drejtuar asaj.

(XH.A/SHUPLAKA)