Kryeredaktorja e “Top Shoë Magazine”, Bieta Sulo, e cila prej disa muajsh është në pritje të një djali, fëmija e parë për të dhe partnerin Alban Dudushi, ka rrëfyer për revistën “Ëho” se si ia dha lajmin babait të një vajze, e së shpejti të një djali.
Ajo ka rrëfyer se nuk i pritej, ndaj teksa ishin duke u kthyer nga puna, i kërkoi të ndalonin makinat, për të zgjatur më pas një kuti stërgjatëshe.
“Albani me makinën e tij, une në timen, rrugës nga “Top Channel” për në Bllok. I jap sinjal me dritat e gjata dhe hapim krahun, pa mundur dot të prisja deri sa të mbërrinim në destinacionin për tek i cili ishim nisur. Ndërkohë që mendja dhe zemra prej mëngjesit ishin pushtuar. Pavarësisht se kisha marrë vendimin të sigurohesha fillimisht me një analizë gjaku, parkoj makinën time dhe hipi në të tijën. “Çfarë ka mi”, më tha i hutuar për atë ndalim të papritur. “Dëgjo” i thashë “më duhet të të jap këtë” dhe i zgjas një kuti stërgjatëshe. Duke e hapur nuk po kuptonte asgjë. “Termometër?”, më tha. “Shikoji dy vizat”, i thashë. Dhe aty u bë i qartë dhe për të lajmi që unë kisha marrë që në mëngjes.”, ka rrëfyer ajo.
Ndër të tjera, ajo ka rrëfyer se ka qenë neutrale sa i përket gjinisë që dëshironte që të kishte bebi, ndërsa sa për emrin, duket se ende nuk kanë vendosur përfundimisht.
(XH.A/SHUPLAKA)
Discussion about this post