Pas reklamës së spitalit privat, Rama “promovon” infermieren shtetërore dhe tregon sa i është rritur paga

Imazhi i një infermiereje, punonjëse në një nga qendrat shëndetësore të Tiranës, është përzgjedhur sot nga kryeministri për t’u uruar “Mirëmëngjes” shqiptarëve.

Pas reklamës që i bëri një ditë një spitali privat në kryeqytet, ai ka folur këtë mëngjes për sa shumë është bërë për shërbimet shëndetësore, spitalet dhe personelin mjekësor. Duke u ndalur kryesisht tek paga e infermieres që falë taksës së ndershme merr 100,026 lekë më shumë se në 2013-ën.

“MIRËMËNGJES

dhe ju uroj një ditë të mbarë me këtë imazh të përkushtimit 31 vjeçar të kësaj infermiere në një nga qendrat shëndetësore të Tiranës?

Sot, Majlinda Beluli, falë taksës së ndershme vendosur më 2014 dhe rritjes së pagës këtë vit, merr çdo muaj 100,026 lekë më shumë se në 2013, ose 1,200,312 lekë më shumë në vit.

Shumë është bërë për shërbimet shëndetësore, spitalet, personelin mjekësor. Por ende më shumë mbetet për t’u bërë në rrugën e vështirë të rilindjes së shëndetësisë. Por edhe shumë ka për të humbur nëse ndalemi sot.

Prandaj përpara për Shqipërinë që duam me #Shtet #Punë #Mirëqenie.

(XH.A/SHUPLAKA)