Janë mbyllur votimet për raundin e parë të zgjedhjeve presidenciale në Francë.
Sondazhet e para tregojnë se dy nga katër kandidatët që do ndajnë balotazhin do të jenë Macron dhe Le Pen.
Macron ka marrë 23.7% të votave, ndërsa Marine Le Pen ka marrë 22% në sondazhet pas votimit.
Javën e fundit exitpoll-et kanë treguar një thellim të diferencës mes kandidatit të pavarur të qendrës Emmanuel Macron dhe lideres ultra të djathtë, Marine Le Pen e cila njihet si një antieuropianiste e flaktë.
Deri në orën 17:00, pjesëmarrja në zgjedhje ishte 69,42%.
Vëmendje maksimale në këto zgjedhje në Francë ka qenë siguria, sidomos pas sulmit të së të enjtes, kur një terrorist i ISIS qëlloi mbi një patrullë policie në afërsi të Champs-Elysees, duke lënë të vdekur një agjent dhe duke plagosur dy të tjerë.
Rreth 50-mijë forca policore bashkë me 7 mijë ushtarë janë angazhuar për procesin e sotëm, të gjithë për të përforcuar sigurinë në mbi 65 mijë qendra votimi në të gjithë vendin. (M.D/ Shuplaka)
Discussion about this post