Ish-shefit të Krimeve i gjenden 66-mijë euro akte noteriale

Detaje të reja janë zbardhur nga prokuroria për ish-shefin e krimeve të komisariatit nr.2, në kryeqytet, Dritan Metani.
Atij  i janë gjetur 66-mijë euro akte noteriale, para këto që dyshohet se mund t’i ketë përfituar nga aktiviteti i paligjshëm korruptiv nga funksionet në polici, ku sipas hetuesve i kamuflonte me shit-blerje të automjeteve, shkruan Panorama.
Në banesën e Metanit janë gjetur 5 akteve noteriale të huadhënies dhe shit-blerjes së makinave. Vlera e këtyre akteve sipas policisë arrinte në 66.200 euro.
Shuma e parave sipas hetuesve nuk është e justifikuar, ç’ka ka bërë që të ngrihen dyshime se Metani, ka kryer vazhdimisht veprime korruptive. Hetimi ka zbuluar se Metani dhe vartësi i tij, Gojart Bushi, kishin marrë takime me pronarët e dy lokaleve në kryeqytet.
Pronarët kishin ngritur tenda pa leje në territorin që kontrollonin Metani e Bushi dhe gjatë hetimeve kanë pohuar se kanë pasur kontakte me dy drejtuesit e policisë.
Pas hetimeve janë ngritur dyshime se Metani e Bushi i kishin lejuar qëllimisht tendat në kundërshtim me ligjin. (M.D/ Shuplaka)