Futbolli shqiptar është i mbushur plot edhe më surpriza, sidomos kur bëhet fjalë për skuadrat që kërkojnë kualifikimin në Europë. Kemi dëgjuar për shifra të ndrsyshme premiosh po kjo që ka premtuar Presidenti i Luftëtarit i kalon të gjitha.
Për të shkuar deri në momentet finale Luftëtarit i duhet të luajë edhe 6 ndeshje, po motimvimi lojtarëve nuk ka pse tiu mungojë.
I ftuar në ‘’Fair Play’’ Presidenti i gjirokastritëve, Grigor Tavo, ka premtuar 20 mijë euro për kokë shpërblim në rast të pjesëmarrjes në Europë në sezonin e ardhshëm.
Kjo shifër është e padëgjuar më parë për futbollin shqiptar duke qënë se edhe Skënderbeu që ka dalë 6 herë radhazi kampion ka marrë për titullin si shpërblim maksimumi 100 mijë euro e gjithë skuadra.
Një premio e tillë mund të krahasohet vetëm me shpërblimet e mëdha që presidenti Takaj u bëri lojtarëve të tij në sezonin e shkuar kur u arrit kualifikimi historik për në grupet e Ligës së Europës. (E.K/SHUPLAKA)
