Ditën e sotme për herë të parë në këto dy muaj protesta e opoozitës pritet të përshkallëzohet edhe në qytete të tjera të vendit. Për rreth një orë do të bllokohen disa prej rrugëve në Tiranë, Milot dhe Lushnje.
Frika nga trazira të mundshme është prezente ndërkohë që vetë Partia Demokratike ka garantuar që protesta do të jetë tërësisht paqësore dhe demokratike.
Policia e shtetit ju ka bërë thirrje qytetarëve që të mos marrin pjesë në këtë protestë.
Ndërkohë që në Tiranë pritet protesta, rreth orës 18 kryeministri Rama pritet të ketë një takim me të rintë që votojnë për herë të parë në qytetin e Vlorës.
Takimi do të mbahet në Pallatin e sporteve dhe do të jenë të pranishëm disa prej figurave më të rëndësishme në PS.
Edhe gjatë fundjavës kryeministri ka preferuar jugun e vendit për të pasur takimet paraelektorale. Ndërkohë që po sot pritet të mbërrijë në Tiranë një delegacion i BE-së që do të ndihmojë në zgjidhjen e krizës politike në vend.
‘’ Neeesëëëër… në Vlorën e votuesve të parë dhe rinisë vlonjate që do ta tundë në 18 qershor, më shumë se kurrë mëparë, #PërShqipërinëQëDuam???? me Shtet? #Punë? #Mirëqenie?me # Partinë Socialiste’’, shkruan vetë Rama. (E.K/SHUPLAKA)
Discussion about this post