“Na vijnë në shtëpi për vota pastaj na harrojnë”, banorët në Durrës në hall të madh me ujërat e zeza

Banorët e ish-Kënetës në Durrës ankohen për hallin e madh që u ka rënë, aq i ndjeshëm në sezonin veror që shoqërohet me rritje të temperaturave. Pavarësisht premtimeve që u janë bërë, të zgjedhurit vendorë e parlamentarë nuk i kanë mbyllur kanalet e ujërave të zeza që kutërbojnë.

Përballë asnjë mundësie zgjidhje për ta, banorët shprehen për “DurrësLajm” se do të bojkotojnë zgjedhjet e 18 Qershorit, në rast se nuk do të ketë ndërhyrje konkrete nga pushteti lokal. Kjo situatë përsëritet prej rreth 20 vitesh duke i lënë ata në mëshirë të fatit.

“Taksat i paguajmë. Për çështjen e kanaleve të ujërave të zeza jemi përtokë. Për ujë të pijshëm, zero fare. Nuk kemi kosha për të hedhur mbeturinat.

Kur vjen pjesa për votime, na vijnë nëpër shtëpi “Votoni për ne”. Ankohu sa të duash, as s’do me dit kush fare.”, janë shprehur disa prej tyre.

(XH.A/SHUPLAKA)