Ish-kryeministri Sali Berisha ka reaguar në llogarinë e tij në “Facebook” për protestën e opozitës që sapo ka përfunduar, ku qindra pjesëmarrës iu bashkuan në mënyrë paqësore.
Përmes pamjeve nga pesë akset rrugore ku protesta ishte përqëndruar, ai shprehet për protestën si një “sukses i shkëlqyer, ku revolucioni demokratik paralizoi Nakrorepublikën e Noriegës.
“Sukses i shkelqyer!
Revolucioni demokratik paralizon plotesisht per 1 ore per voten e lire Narkorepubliken e Norieges ne Ballkan!
Revolucioni drejt fitores! sb”, shkruan Berisha.
Teksa kryetari i Partisë Demokratike, Lulzim Basha, ishte vendosur në “Sheshin Shqiponja” në shoqërinë e bashkëshortes dhe kreut të AAK-së, Kreshnik Spahiu, ra në sy mungesa e ish-kryeministrit Sali Berisha.
Në rreth dy muaj protestë të opozitës në çadër, ish-kryeministri Berisha ka qenë vazhdimisht i pranishëm me fjalimet e tij në takimet me qytetarët e zhgënjyer, mbështetës të opozitës, grupime të ndryshme shoqërore.
(XH.A/SHUPLAKA)
