“Opozita shqiptare bllokon rrugët kryesore përpara zgjedhjeve të 18 qershorit. Mijëra mbështetës të opozitës bllokuan pesë kryqëzime kombëtare të hënën për një orë. Lideri i Partisë Demokratike të opozitës, Lulzim Basha, tha se ata po protestonin kundër trafikut të drogës, krimit, trafikimit të votave, korrupsionit dhe trafikut të pastrimit të parave. Opozita thotë se do të bojkotojë zgjedhjet parlamentare.
Protestuesit u ulën në udhëkry me flamuj kombëtarë duke shprehur slogane anti-qeveritare, duke bërë thirrje që qeveria të japë dorëheqjen dhe për zgjedhje të lira e të ndershme. Rradhët e gjata të automjeteve i mbështetën.
“Ky është një paralajmërim se vendosmëria e kësaj lëvizje popullore është e pamposhtur për të arritur zgjedhje të lira e të ndershme. “, tha Basha përpara se të përfundonte protesta. Asnjë incident nuk u raportua.
Negociatorët e Parlamentit Europian pritet të mbërrijnë pasditen e të hënës në një përpjekje për të ndërmjetësuar midis koalicionit të së majtës dhe opozitës së djathtë. Deri tani, opozita nuk ka pranuar që të negociojë derisa kryeministri Rama të japë dorëheqjen.
Bashkimi Europian dhe Shtetet e Bashkuara të Amerikës i kanë kërkuar opozitës që të mos bojkotojë parlamentin dhe zgjedhjet.
Opozita pretendon se qeveria do të manipulojë zgjedhjet parlamentare të 18 qershorit. Që nga mesi i muajit Shkurt, mbështetësit e saj kanë bllokuar bulevardin kryesor të kryeqytetit të Tiranës me një çadër të vendosur jashtë zyrës së Ramës.
Bojkoti i parlamentit nga opozita prej Shkurtit, ka bllokuar gjithashtu nisjen e reformës në drejtësi, e konsideruar si çelës për fillimin e negociatave për anëtarësimin në BE. Reforma gjyqësore u miratua njëzëri vitin e kaluar, por zbatimi është penguar nga bojkoti i opozitës. Parlamenti duhet të ngrejë organet që do të vlerësojnë rreth 800 gjyqtarë dhe prokurorë.”, kështu shkruan “Associated Press”. Por edhe një sërë mediash të tjera kanë raportuar portestën e sotme të opozitës, siç janë Fox News, Yahho News.
(XH.A/SHUPLAKA)
[ngg_images source=”galleries” container_ids=”1666″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
