Të larguarit e së shtunës nga shtëpia e “Big Brother”, Ervini dhe Sidrita, këtë pasdite ishin të ftuar në emisionin e “Pasdite në top Channel” ku kanë rrëfyer emocionet që kanë përjetuar pas kthimit në realitet por gjithashtu edhe se si e pritën lajmin.
“Momenti kur prezantuesja tha emrat tanë, më erdhi si bombë. Nuk e prisja të dilja, madje isha i sigurt që loja ime do të vazhdonte akoma… Siguria më vinte nga parimet dhe normat e mia. Isha i sigurt për lojën që po bëja, duke parë edhe çfarë bënin konkurrentët e tjerë…” , deklaroi Ervini.
Nga ana tjetër Sidrita është e mendimit se penalizimi u erdhi duke qenë se ata ishin të vetmit që ishin treguar çift i vërtetë në shtëpi:
“Duke e ditur që ky edicion ishte edhe Love Edition, puthjet tona u ranë në sy të gjithëve dhe ndoshta ka dalë edhe gjë e tepërt në sytë e publikut…”, shprehet ajo.
Pavarësisht se lidhja e tyre u përfol shumë gjatë qëndrimit në “Big Brother” por sidomos pas daljes, Ervini shprehet se është i lumtur që janë njohur.
“Unë ndihem shumë fitues nga Big Brother, njohja me Sidritën është një dashuri. Këto dy ditë kemi qenë njëlloj si në shtëpi. Deri tani çdo gjë mes nesh shkon shumë mirë, kemi kimi me njëri-tjetrin…Për mua, Sidrita është përshkrimi i emrit, i ka të gjitha të mirat, është e ëmbël, di të flasë me maturi, është vajzë me norma, i mendon gjërat para se t’i thotë. Nuk e krahasoj me asnjërën brenda në shtëpi.”, janë fjalët e tij. (D.D/Shuplaka)
Discussion about this post