Ermal Hoxha ”kyç” gojën, nuk pranon të japë dëshminë e tij në Gjykatën e Krimeve të Rënda

U bënë më shumë se dy vite që Ermalo Hoxha mbahet në burg për shkak të akuzës për përpunim të lëndëve narkotike.

Po mesa duket ai është i vendosur në qëndrimin e tij për të mos dhënë dëshminë e tij në Gjykatën e Krimeve të Rënda.

Vetë Hoxha nuk ka qenë i pranishëm sot në seancë dhe në shkresën dërguar Gjykatës kërkonte të përfaqësohej nga avokati i tij por nga ana tjetër informonte trupin gjykues se ‘nuk jepte pëlqimin për të dhënë dëshminë e tij’.

Gjykata e Krimeve të rënda sipas hetimeve të prokurorisë kishte vendosur që prova e parë që do të merrte në këtë proces ishte dëshmia e të pandehurit Hoxha. Pas tij do të pyeteshin dy kolumbianët Ëalther Moren Moreno dhe Cesar Avila.

Dy kolumbianët ende nuk janë shprehur nëse do të dëshmojnë apo jo. Nëntë të pandehurit e dosjes “Xibraka”, akuzohen për trafik narkotikësh e mbetur në tentativë. Seanca e sotme u shty për mungesë të avokatëve.

Zbulimi i laboratorit te kokainës u bë në Xibrakë të Elbasanit, mbrëmjen e 14 janarit të vitit 2015 dhe u cilësua në atë kohë, si më i madhi në Ballkan. Sipas Prokurorisë, dy kolumbianët kanë pasur rolin e nxjerrjes së ekstraktit të kokainës, e cila ndodhej në fuçitë e mbërritura nga Bolivia dhe Panamaja. (E.K/SHUPLAKA)