Dita e sotme do të karakterizohet nga takime të rëndësishme. E takimet kanë nisur që në mëngjes. Tre ambasdorë kanë mbërritur në zyrën e kreut të Kuvendit Meta.
Ambasadori amerikan Donald Lu, ambasadorja e BE-së Romana Vlahutin dhe ai i OSBE-së Borchardt kanë pasur një takim rreth 40 minuta te Kryesia e Kuvendit.
Në përfundim të takimit tre ambasadorët janë parë të rrinë për disa minuta në derën e zyrës së Metës duke biseduar me njëri-tjetrit.
Se për çfarë nuk dihet, po ajo që është e qartë mbetet fakti se do na duhet të presim takimet e MCalister pasdite që të dimë çdo të bëhet me krizën.
ARDHJA E FLECKENSTEIN DHE DAVID MCALLISTER:
Ata priten të mbërrijnë në mesditë në kryeqytet dhe axjenda e takimeve është përcaktuar se do të nisë me takimin që dy negociatorët do të zhvillojnë së pari me Ramën dhe Metën.
Takimi mes tyre është planifikuar të zhvillohet në orën 14:00 dhe veç kryeministrit së bashku me McAllister dhe Fleckenstein do të jetë edhe kryetari i LSI-së Meta.
Dy orë më pas një tjetër takim do të zhvillohet për negociata me kryetarin e PD-së, Lulzim Basha. Vetëm se në takim me të do të jetë McAllister dhe jo Knut Fleckenstein. (E.K/SHUPLAKA)
Discussion about this post