Menjëherë pas kthimit nga Durrësi, kryeministri Edi Rama është drejtuar me urgjencë në Kryesinë e Kuvendit për t’u takuar me kryeparlamentarin njëherazi kreun e LSI-së, Ilir Metën, një takim i shpejtë që ka zgjatur pak minuta.
Ky takim mes krerëve të partive politike në mazhorancë u zhvillua pak përpara mbërritje së negociatorit David McAllister.
Përpara takimit me kryeministrin, Ilir Meta priti tre ambasadorët Donald Lu, Romana Vlahutin dhe atë të OSBE-së Borchardt. Takimi i tyre zgjati rreth 40 minuta tek Kryesia e Kuvendit. Nuk dihet konkretisht se për çfarë kanë diskutuar konkretisht.
Në këtë ditë takimesh të befta, pritet që të vijë në Tiranë i caktuari i Partisë Popullore Europiane, David McAllister. Së bashku me të do të vijë edhe eurokomisioni Knut Fleckeinstein.
Ata priten të mbërrijnë në mesditë në kryeqytet dhe axhenda e takimeve është përcaktuar se do të nisë me takimin që dy negociatorët do të zhvillojnë së pari me Ramën dhe Metën. Dy orë më pas një tjetër takim do të zhvillohet për negociata me kryetarin e PD-së, Lulzim Basha. Vetëm se në takim me të do të jetë McAllister dhe jo Knut Fleckenstein.
(XH.A/SHUPLAKA)
Discussion about this post