Atentati mafioz në Tiranë-Durrës, dy të rinj vriten ndërkohë që automjeti i tyre ishte në ecje

Një ngjarje e rëndë ka ndodhur para pak minutash në afërsi të Sukthit, përgjatë autostradës Tiranë-Durrës.

Dy persona janë qëlluar brenda automjetit të tyre dhe kanë gjetur vdekjen e menjëhershme. Automjeti i tyre ka qenë në lëvizje në momentin që është qëlluar me breshëri plumbash.

Në vendngjarje kanë shkuar me urgjencë forca të shumta policore po pa mundur të bëjnë asgjë për të shpëtuar jetët e të rinjve.

Njëri prej viktimave është identifikuar si Ervin Dalipaj i akuzuar më parë për një vrasje në bashkëpunim. Personi tjetër është me inicialet XH.D. 

Mësohet se Dalipaj ka qenë i shoqëruar nga një mik i tij në momentin që është bërë sulmi. Pavarësisht se Dalipaj ka qenë në kërkim nga Policia e Shtetit më parë u gjet nga armiqtë sesa nga vetë Policia. (E.K/SHUPLAKA)