Ditën e sotme menjëherë pas kthimit nga Durrësi, kryeministri Edi Rama është drejtuar me urgjencë në Kryesinë e Kuvendit për t’u takuar me kryeparlamentarin njëherazi kreun e LSI-së, Ilir Metën, një takim i shpejtë që ka zgjatur pak minuta. Ky takim mes krerëve të partive politike në mazhorancë u zhvillua pak përpara mbërritje së negociatorit David McAllister.
Duihet të sjellim në vëmendje që përpara takimit me kryeministrin, Ilir Meta priti tre ambasadorët Donald Lu, Romana Vlahutin dhe atë të OSBE-së Borchardt. Takimi i tyre zgjati rreth 40 minuta tek Kryesia e Kuvendit.
Më pas, rretjh orës 15:00 kryeministri Edi Rama mbërriti në zyrën e Kryesisë së Kuvendit në pritje të takimit me negociatorët. Rama shoqërohej nga kreu i grupit Parlamentar Gramoz Ruçi dhe Taulant Balla. Po kështu në ambintet e kryesisë së Kuvendit mbërritën edhe dy negociatorët David McAllister dhe Knut Fleckenstein.
Pas përfundimit të takimit negociatori David Mc Allister dhe Knut Fleckenstein u nisën drejt selisë së PD-së për t’u takuar me kreun e saj. Lulzim Bashën. Takimi zgjati prej rreth 90 minutash, më shumë se me Metën e Ramën që u takuan tek Kryesia e Kuvendit. Mësohet se me Bashën kanë qenë edhe Bylykbashi dhe Bogdani. Në fillim u aludua se Fleckenstein nuk do të shkonte në selinë blu por gjithësesi negociatori nga BE ka hyrë në selinë e demokratëve. Mësohet se ka patur një takim kokë më kokë mes kryeopozitarit Basha dhe David Mc Allister.
Ende nuk dihet se çfarë bisediem konkrete kanë bërë aktorët politikë dhe ende nuk dihet nëse negociatori do të mund t’i jap fund krizës 2 mujore të politikës, apo McAllister do jetë ndërkombëtari i radhës, ashtu si shumë të tjerë para tij?!.
Deri më tani flitet se do të ketë një konferencë për shtyp nga zyrtari i PPE McAllister dhe eurodeputeti Fleckenstein. Po kështu nëse McAllister ka arritur një marrëveshje me Lulzim Bashën, atëherë do të vijë edhe takimi i përbashkët mes tre krerëve të PS, LSI dhe PD, në praninë e McAllister dhe Fleckenstein. Flitet se ky takim të zhvillohet në ambientet e Pallatit të Kongreseve. (J.V/Shuplaka)
