Ish-presidenti i SHBA-ve, Barack Obama është duke u kritikuar ashpër për shkak të një njoftimi që po qarkullon se ai ka rënë dakord për mbajtjen e një fjalimi në një bankë në “Wall Street” kundrejt një pagese prej 400 mijë dollarësh.
Presidenti i 44-të ka pranuar të marrë pjesë në një konferencë shëndetësore të organizuar nga kompania “Cantor Fitzgerald”, e projektuar për në muajin Shtator.
Ftesa dhe marrëveshja për këtë fjalim, i bëhet Obamës në më pak se 100 ditë që kur dorëzo detyrën e Presidentit. Në 2009-ën, ai bëri një deklaratë të fortë, ku u shpreh konkretsisht “Unë nuk kandidova për të ndihmuar një bandë bankierësh të Wall Stree-it”.
Tarifa që i është ofruar është më rreth dyfishi i asaj që iu bë Hillary Clinton-it. Ajo u kritikua shumë gjatë fushatës presidenciale të vitit të kaluar për fjalimet e saj në Wall Street.
(XH.A/SHUPKLAKA)
Discussion about this post