Analisti Fatos Lubonja në rubrikën “Opinion” ka komentuar zhvillimet e fundit politike në vend dhe propozimin e kreut të LIBRA-s Ben Blushi që të bashkohen votat për një mocion kundër Ramës në parlament.
“Unë e kuptova që kanë kërkuar këto forca që të bashkohen dhe të ndërrohet qeveria, unë nuk i kam dëgjuar kundërargumentat e opozitës për këtë se pse nuk e pranon. Nëse do të ishte kjo një lëvizje parlamentare teksa Ilir Meta ka votat në peshore, mendoj që ka një problem që mund të vijë më mbrapa, duke shkuar në zgjedhje kështu do të dali mazhoranca dhe Rama dhe do thotë që më rrëzuan mua ata që janë kundër vettingut”,- u shpreh Lubonja.
Lubonja po ashtu është pyetur nëse ka dijeni se është një nga emrat që lakohen për president nga shoqëria civile dhe se ka disa zëra që e mbështesin. Ai u shpreh se në momentin kur mesa duket po shkohet drejt figurave “kukulla” është e pakuptimtë të bëhesh pjesë e kësaj.
“Është përgjegjësi e madhe, nuk di as çfarë kompetencash ka Presidenti. Unë kam pasur rolin e një intelektuali të lirë që kam folur lirshëm, nuk e di nëse kështu arrij të ndryshoj dot ndonjë gjë për mirë, apo do më hiqet e drejta të them edhe këto gjërat që them. Kompetencat me sa di janë goxha të kufizuara mbi të gjitha duhet të kesh konsensusin e të gjithëve, palëve politike. Unë i kam kritikuar partitë si banda, dhe tani duhet kontestues që të bëhesh përfaqësues i këtyre bandave”, sqaroi ai. (M.D/ Shuplaka)
Discussion about this post