Deputeti i Partisë Socialiste, Taulant Balla ka folur pas takimit të thirrur nga Meta në Kryesinë e Kuvendit.
Balla tregoi se çfarë ndodhi ditën e djeshme me dështimin e negociatave.
Balla u shpreh se kryeopozitari Basha u largua nga bisedimet sapo u vendos vettingu si kusht.
“Lidhur me te gjitha përpjekjet, që zoti Rama dhe zoti Meta po bëjnë në mënyrë të vazhdueshme për të garantuar pjesëmarrjen e të gjitha partive politike në zgjedhjet e 18 qershorit. Dhe siç jeni në dijeni, ne dje kemi pasur në Tiranë dy miq shumë të mirë të Shqipërisë në PE, që shprehnin në fakt spektrin politik më të madh atje. Dje me ndërmjetësimin e tyre janë zhvilluar disa takime, në takimin e parë, është prezantuar një dokument i çështjes shumë të rëndësishme i adresuar nga të gjitha palët për garantimin e procesit zgjedhor normal. Pas takimit të dy miqve me kryetarin e PD-së, është zhvilluar një raund tjetër bisedimesh. Për fat të keq në dy dhoma të ndara. Ne jemi njohur me dy çështje të reja që na u paraqitën të cilat për ne ishin shumë sensitive. Ne të dy, Rama dhe Meta treguan gatishmëri për të diskutuar edhe për çështjen sensitive për ne me liderin e opozitës për mundësinë e gjetjes së zgjidhjes ku përfshiheshin shtyrja e zgjedhjeve dhe ndryshime në kabinetin e qeverisë”, tha Balla.
“Ne ramë dakord me dy çështjet e reja me kushtin që të votohet vetingu, në atë moment Basha është larguar nga negociatat e djeshme. Iku në mënyrë jokorrekte”, – tha më tej Balla.
Ai po ashtu u shpreh se iniciativa e Metës për takimin e sotëm meriton respekt dhe ishte e domosdoshme.
(M.D/ Shuplaka)
Discussion about this post