Kush ishte punonjësi i Postës dhe mbështetësi i LSI-së që u aksidentua tragjikisht në Lushnje (MESAZHI I PETRIT VASILIT)

Ditën e djeshme  një aksident rrugor i mori jetën një 35-vjeçari në Lushnje. Ngjarja ndodhi tek rrethrrotulli pranë ish-fabrikës së plasmasit, ndërsa viktima është identifikuar si shtetasi Ersuel Kamxhiu, punonjës i Postës Shqiptare. 

Ky i fundit po udhëtonte me një motoçikletë kur është përplasur nga një automjet. Kamxhiu ka ndërruar jetë rrugës për në spital. Policia e mbërritur në vendngjarje ka shoqeruar drejtuesin e mjetit, Ervis Blliku 27 vjeç.

Po kush ishte Ersuel Kamxhiu:

Ai ishte një punonjës I postës shqiptare dhe një nga simpatizantët e LSI-së në Lushnje. Ngushëllim për ikjen e tij të parakohshme nga jeta kanë shprehur drejtuesit më të lartë të LSI-së.

Në mesazhin e tij ministri i drejtësisë Petrit Vasili ka shprehur ngushëllimet më të sinqerta për familjen e viktimës.

‘’SAPO MËSOVA PËR LAJMIN TRAGJIK, Ersuel Kamxhiu u nda prej nesh. Një dhimbje që na e copëtoi zemrën. Buzëqeshja dhe dashuria e tij do na mungojë gjithe jetën. Një ditë të tillë të dhimbshme nuk do donim ta jetonim kurrë. U prehsh në paqe o djalë i mirë, mik i shkëlqyer dhe familjar i mrekullueshëm. Me dhimbje pa shëerim të përshëndes për të fundit herë’’, shkruan Ministri Petrit Vasili. (E.K/SHUPLAKA)