Lirimi i Ramush Haradinajt u mirëprit dhe përgëzua nga politikanët shqiptarë, kosovarë e të huaj. Përmes reagimeve të tyre, kryeministri Rama, kryeparlamentari Meta, ministri Bushati, ish-kryeministri Berisha, kryetari i PD-së, Basha dhe Presidenti i Kosovës, Hashim Thaçi, raportuesja për Kosovën, Ulrike Luancek, shprehën urimet e tyre për ish-kryeministrin kosovar.
Edi Rama
Ramush mirësezbret sot edhe njëherë fitimtar në Prishtinën tone
Ilir Meta
“Ramush Haradinaj fitoi lirinë, për të cilën kanë sakrifikuar ai, familja e tij dhe vetë Kosova.
Gjithmonë kam besuar se drejtësia franceze do të vinte në vend një të drejtë të merituar për Ramushin dhe për Kosovën.
Dëshiroj të përshëndes këtë verdikt përfundimtar, ndonëse të vonuar, i cili i dha fund një procesi të pakuptimtë juridikisht dhe të padobishëm politikisht”
Sali Berisha
Deshton me turp tentativa kriminale serbe per te marre peng Ramush Harajdinajn!
Te dashur miq, deshton me turp tentativa armiqesore absurde e Serbise per te marre peng ish kryeministrin e Kosoves, komandantin hero te Luftes Clirimtare, kryetarin e AAK dhe deputetin Ramush Harajdinaj!
Gjykata e Kolmarit hodhi poshte si plotesisht te paverteta pretendimet e pales serbe duke i dhene nje godije nderkombetare te rende perpjekjes se tyre kriminale per te marre peng ish kryeministrin e Kosoves.
Me kete rast le ti dergojme urimet me te perzemerta zotit Haradinaj, per menyren dinjitoze me te cilen u perball ne France me akuzat politike te krimineleve te Beogradit dhe ti urojme suksese ne detyrat e tij! sb
Lulzim Basha
Ndava me kënaqësi lajmin se drejtësia franceze mori më në fund vendimin e duhur për Ramush Haradinajn, duke e lënë atë të lirë për t’u kthyer në atdhe. Vendimi i sotëm është drejtësia e plotë, pas shumë javësh qëndrimi në Francë.
Urdhërarrestet e Serbisë janë jo vetëm padrejtësi personale ndaj njerëzve si Ramushi që kanë sakrifikuar për lirinë e Kosovës, por njëkohësisht sulm ndaj vetë pavarësisë, ndaj Republikës së Kosovës dhe integritetit të saj politik.
Me vendimin e sotëm të drejtësisë franceze, Serbia duhet të ndërgjegjësohet një herë e mire, e të anullojë urdhërrarrestet e saj për luftëtarët e Kosovës.
Po kështu është detyrë kryesore e qeverisë shqiptare që të ushtrojë presion ndaj Serbisë dhe kerkesa ndaj vendeve të tjera, për të detyruar Beogradin të heqë dorë nga prakrika e turpshme, e padrejte dhe provokative e urdhër arresteve te tilla në mënyrë që padrejtësi si kjo me Ramushin të mos përsëriten më.
Hashim Thaçi
Vendimi i Gjykatës së Colmar, që z. Haradinaj të kthehet në Kosovë është lajm i mirë për familjen Haradinaj, për bashkëpunëtorët e tij dhe gjithë Kosovën.
Edhe një herë u vërtetua që shpifjet e shërbimeve serbe kundër Ushtrisë Çlirimtare të Kosovës janë të paqëndrueshme dhe nuk përfillen nga bota demokratike. HTH
Ulrike Lunacek
Mbajtja e Ramush Haradinajt sipas një urdhërarresti ndërkombëtar të vjetërsuar që nga viti 2004 nga Serbia, e cila është në dialog të moderuar me Kosovën në BE, ishte krejtësisht i papranueshëm.
Unë i bëj thirrje Përfaqësueses së Lartë të BE-së, Zëvendëskryetares së Komisionit, Federica Mogherini, si dhe qeverive të 28 shteteve anëtare të BE-së dhe veçanërisht atyre të 23 njohësve, që të mos i marrin parasysh urdhërarrestet e Serbisë.
(XH.A/SHUPLAKA)
Discussion about this post